جدید باورچی خانوں کے خوبصورت ڈیزائن

견적 요청하기

잘못된 정보입니다. 국가번호 및 전화번호를 다시 확인 해 주세요
보내기' 버튼을 클릭함으로써 개인 정책에 동의하며 요청 수행을 위한 개인 정보 수집 및 활용을 허락합니다.
참고: 개인 정보 폐기는 privacy@homify.com을 통해 상시 요청 가능합니다.

جدید باورچی خانوں کے خوبصورت ڈیزائن

Resham Ejaz Resham Ejaz
Ansidecor의 현대 , 모던
Loading admin actions …

کچن ڈیزائن کرنا ایک مشکل اور صبر آزما کام ثابت ہو سکتا ہے اور ہم ایسا نہیں چاہتے، اسی لیے ہومی فائی شاندار اور مسحور کن باورچی خانوں کی ایک فہرست لایا ہے جو ہمیں اپنے کچن کو مختلف اور بہترین طریقے سے ڈیزائن کرنے میں مدد دے گی۔

یہ آئیڈیا بک پڑھنے کے بعد آپ کو احساس ہو گا  کہ چھوٹی چھوٹی چیزیں ہی آپ کے کچن کی شکل بدل کر اسے بہتر بنانے کے لیے کافی ہیں۔ تفصیلات آگے دیکھیے۔

۱۔ الماری

الماریوں کی شکل کچن پر سب سے زیادہ اثر انداز ہونے والے عوامل میں سے ایک ہے۔ ان کو مختلف شکل ضرور دیں اور اپنی مرضی کے مطابق انہیں لکڑی یا ایلومینیم سے خوبصورت بنائیں۔ پر کشش رنگ چنیں جو باقی کچن کے ساتھ اچھے لگیں۔

۲۔ روشنی کا نظام

روشنی کا نظام ایسا رکھیں جو آپ کے کچن کو منفرد بنائے نہ کہ روایتی نظام جس میں صرف ایک ہی روشنی ہوتی ہے۔کونوں میں اور درمیان میں مختلف شکلوں کے بلب لگائیں اور روشنی کے لیے ایک سے زیادہ سوئچ رکھیں تا کہ آپ ہر بٹن سے مختلف قسم کی روشنی حاصل کر سکیں۔

۳۔ دیواریں

اگر آپ تخلیقی ڈیزائن چاہتے ہیں تو دیواروں کا خیال رکھیں اور انہیں مختلف شکلوں اور مختلف مواد کی مدد سے انوکھا بنائیں۔ حیسا کہ ایلومینیم یا لکڑی یا ماربل اور گرینائٹ کی تہہ والا کنکریٹ۔ صرف چینی کی ٹائلوں کو ہی اپنا آخری انتخاب نہ سمجھ لیں۔

۴۔ کار آمد لوازمات

کاؤنٹر اور الماریوں پر رکھے گئے لوازمات کو خوبصورت ہونے کے ساتھ ساتھ فعال بھی ہونا چاہیے۔ مثال کے طور پر پلیٹیں رکھنے والے ریک کو دیکھیں یہ کیسے سنک کی خوبصورتی بڑھاتا ہے۔

۵۔ چمنی

چولہے کے اوپر بنی چمنی کچن کے جدید جمالیاتی عناصر میں سے ایک ہے، خاص کر تب جب یہ چمکدار چاندی کے رنگ کی ہو۔ اس کا ایک اور فائدہ یہ ہے کہ اس پر بلب لگائے جا سکتے ہیں۔

۶۔ سنک

سنک کو ہمیشہ چمکدار رکھیں چاہے یہ آپ کے کچن کے مطابق کسی بھی رنگ کا ہو۔ خیال رکھیں کہ یہ واضح ہو اور ماحول پر اپنا اثر رکھتا ہو۔ یا کام آسان ہو گا اگر بیسن کسی ہلکے رنگ کا ہو۔

۷۔ برقی آلات رکھنے کی جگہ

برقی آلات جیسا کہ اوون، مائیکرو ویو اور واشنگ مشین وغیرہ اس کے سائز کے مطابق کھلے میں رکھیں۔ یہ بہتر سمجھا جاتا ہے کہ آپ کچن کی ایک دیوار میں یہ سب رکھنے کی جگہ بنا لیں۔

۸۔ بجلی کے ساکٹ

بجلی کے ساکٹوں کی شکل اور رنگ کچن کی دیوار سے ملتا جلتا ہونا چاہیے سو انہیں اسی اعتبار سے چنیں۔اگر دیوار جیسا رنگ نہ ملے تو اسے الماریوں کے رنگ سے ملائیں۔

۹۔ جدید چولہے

آج کل نئے نئے ڈیزائن کے چولہے آ رہے ہیں جو آپ کے کچن کو سب سے منفرد بناتے ہیں۔ان کی اچھوتی شکلوں کی وجہ سے آپ کچن کے کاؤنٹر پر باقی سامان رکھنے کی جگہ بچا سکتے ہیں۔

۱۰۔ کچن کی کرسیاں

کچن میں کھانا کھانے کے لیے جدید اور نئی کرسیاں چنیں۔ ان کا منفرد ڈیزائن چننے کی کوشش کریں۔ روایتی شکل یا  سائز کی کرسیاں نہ رکھیں۔

۱۱۔ شیشے کی دیواریں

شیشے کی دیواروں کی وجہ سے آپ کا کچن بڑا لگے گا اور یہ کچن کو روشن رکھنے کے لیے بھی بہترین ہے۔ انہیں سادہ اور آرام دہ رکھیں  اور دھاتی بلائنڈز یا سجاوٹی پھولوں کے ذریعے ان کی خوبصورتی بڑھائیں۔

۱۲۔ برتن

کبھی کبھار کچن کی الماریوں میں سب برتنوں کے لیے جگہ نہیں بن پاتی۔  اس کا حل انہیں کچن میں کھلا ہی رکھ دینا ہے۔ اس کے لیے آپ رنگین برتن چنیں جو کچن کے ساتھ اچھے لگیں اور انہیں اتنے فاصلے پر رکھیں کہ یہ کھانا پکاتے وقت درمیان میں نہ آئیں۔

۱۳۔ نچلی الماریاں

نچلی الماریوں کا جدید ڈیزائن آپ کو کچن کو عملی طور پر فائدہ دے سکتا ہے۔ نیچے کی طرف کھلنے والے یا مڑنے والے دروازے جگہ بچائیں گے اور کسی ہینڈل وغیرہ کے بغیر سجاوٹ میں مثبت کردار ادا کریں گے۔

۱۴۔ سرکنے والی کھڑکیاں

شیشے کی دیواروں کی طرح آپ شیشے کی کھڑکیاں بھی لگوا سکتے ہیں جنہیں ایلومینیم کی مدد سے لگایا جاتا ہے اور یہ روشنی کی خاصی مقدار اندار لا کر آپ کے کچن کا ہر کونا روشن کر دیتی ہیں۔

۱۵۔ شوخ رنگ

رنگ آپ کے کچن کو مکمل طور پر تبدیل کر کے اسے مزید تخلیقی اور پراثر بنانے کی صلاحیت رکھتے ہیں۔ اس عمل کے لیے آپ کو معلومات کی ضرورت ہو گی کہ مختلف رنگوں کو کس طرح اکٹھا کیا جائے۔ دیکھیے کہ شوخ سبز رنگ جامنی رنگ کے ساتھ کیسے کام کرتا ہے، آپ ان رنگوں کو الگ الگ استعمال نہیں کر سکتے تھے۔

کچن کے بارے میں مزید دیکھیے: ۱۱ سستی تجاویز جو آپ کے کچن کو میگزین میں دکھائے جانے والے باورچی خانوں جیسا بنائیں گی۔

Casas inHAUS의  주택, 모던

건축/인테리어 전문가를 찾고 계시나요 ? 연락처를 남겨 주시면 적합한 전문가를 찾을 수 있도록 도와 드리겠습니다.

당신에게 딱 맞는 디자인을 찾아보세요.