جدید دور میں گھروں میں دیگر کمروں کے ساتھ باتھ روم/ غسل خانے کی سجاوٹ پر بھی زیادہ توجہ دی جاتی ہے۔ یہ ایک ایسا کمرہ ہے جو ہمارے ذاتی استعمال میں آتا ہے۔ ہم تازہ دم ہونے کے لیے اپنے دن کا آغاز اسی سے کرتے ہیں۔ تو باتھ روم اگر صاف سُتھرا ہونے کے ساتھ دلکش اور خوبصورت بھی ہو تو آپکی شخصت پر اچھا اثر پڑتا ہے ۔یوں تو باتھ روم کی سجاوٹ میں زیادہ تر باقی اشیاء پر زور دیا جاتا ہے مگر اس مضمون میں آج ہم آپکی حوصلہ افزائی کے لیے باتھ روم کے فرش کی سجاوٹ کے کچھ خیالات لائے ہیں آئیے ان پر نظر ڈالیں۔
اس تصویر میں آپ دیکھ سکتے ہیں فرش کی خوبصورتی میں اضافے کے لیے سفید سادہ ٹائلوں کے استعمال کے ساتھ درمیان میں نقش والی ٹائلوں کو لگایا گیا ہے
یہ بھی ایک اور مثال ہے نقش والی ٹائلز کی مگر اس فرش میں ایک ہی رنگ کی ٹائلوں کو لگایا گیا ہے۔ یہ بھی دکھنے میں خوبصورت لگتی ہیں۔
اس پورے باتھ روم میں سفید رنگ کے ساتھ ماربل کو استعمال کیا گیا ہے لیکن ایک حصے کو باقی سب سے نمایاں کرنے کے لیے اس کے اردگرد بلیک آئس پھول ماربل کا استعمال کیا گیا ہے۔
باتھ روم کے فرش کی خوبصورتی میں اضافے کے لیے ایک طریقہ یہ بھی ہے کہ اس میں اور دیوار میں لگی ٹائلز میں مطابقت ہو۔
عام طور پر زیادہ تر لوگ باتھ روم / غسل خانے میں ماربل لگانے کو ترجیح دیتے ہیں ۔ کیونکہ یہ صاف رکھنے میں بھی آسان ہوتے ہیں اور خوبصورت بھی لگتے ہیں ۔اس تصویر میں باتھ روم کے فرش پر کاسٹرو وائٹ / سفید ماربل استعمال کیا گیا ہے ۔
یہ ایک اور ماربل کی ٹائلوں والے فرش کی ایک مثال ہے اس باتھ روم کے فرش میں شنگریلا ماربل کی ٹائلوں کا استعمال کیا گیا ہے۔
زیرِ نظر تصویر میں فرش پہ استعمال کی ہوئی ٹائلز نفاست سے بھرپور ہیں۔ یہ اس غسل خانے کی دلکشی میں اضافے کے ساتھ نفاست بھی پیدا کر رہی ہیں
ان ٹائلوں کے ڈیزائن کے ساتھ ان کے رنگ بھی مختلف ہیں ان سے آپ کے غسل خانے کا فرش رنگین لگ رہا ہے۔
زیرِ نظر تصویر میں سفید رنگ کے ساتھ کالے اور گرے رنگ کی تکونی ٹائلوں کا استعمال کیا گیا ہے جو اس باتھ روم کی خوبصورتی میں اضافہ کر رہیں ہیں۔
مزید تجاویز کے لیے اسے دیکھیں ۔باتھ روم/غسل خانے کے منصوبے ترتیب دینے کے لیے گیارہ جدید تجاویز