현재 사용하시는 브라우저는 이전 버전입니다.
호미파이 홈페이지를 가장 최적화된 상태에서 사용하시려면 다른 브라우저를 다운로드해주세요. 아이콘을 누르시면 무료 다운로드가 시작됩니다.
گھرمیں بہتری کئی شکلوں میں آسکتی ہے۔ تعمیرسے لیکراندرونی وضع قطع تک ہرچیزسے۔ اسمیں گھرکی سجاوٹ بھی شامل ہے۔ بلکہ گھرکی بہتری کے لئےکی جانے والی چیزوں میں یہ سب سےدلچسپ چیز ہے اورگھر کے سب افراد اسمیں شامل بھی ہوسکتے ہیں۔اگرچہ ایک ماہراورپیشہ ورانٹیرئرڈیزائنرکی خدمات حاصل کرنا ایک اچھا خیال ہےاوراس سے آپ ایک باہم مربوط اندرونی وضع قطع کویقینی بنا سکتے ہیں،تاہم سجاوٹ اورآرائش ایک ایسی چیز ہے جسکی کوشش آپ خود بھی کر سکتے ہیں۔ چاہے آپ کوئی طریقہِ کار اپنائیں اوراسے اپنے ذوق کے مطابق ڈھال لیں یا اپنے بجٹ کی وجہ سےخود سے آرائش کی اشیاء تیارکریں، ہر لحاظ سے گھر کی آرائش کا کام کافی دلچسپ ہو سکتا ہے۔
مگرجہاں یہ دلچسپ کام ہے وہیں یہ کافی مشکل بھی ہوسکتا ہے۔ جو آپ کو دیکھنے یا سوچنےمیں اچھا لگے ضروری نہیں کہ عملی طور پر بھی اچھا لگے۔ اچھےذوق کا موثراظہارکبھی کبھارمشکل ہو سکتا ہےاور اسکے لئے ہمیں تھوڑی رہنمائی اورمددکی ضرورت ہوسکتی ہے۔ اِس ضرورت کو بھانپتے ہوئے ہومی فائی (Homify)نے چند ایسے کبھی ناکام نہ ہونے والےسجاوٹ کے طریقوں کی شناخت کی ہے جو یقیناً آپ کے گھرکویا اسمیں موجود کسی بھی کمرے کو بہتر بنانے میں مدد کرینگے۔ تو آئیے ہمارے ساتھ آرائش کےاِس سفر پر چلئےاورپائیں وہ تحریک کو آپ کے کمروں کو نئی زندگی بخش دے۔
جب آپ کسی کمرے کے لئے ایک مرکزی رنگ کا انتخاب کرلیں تواُسی رنگ کے ہلکے /گہرے تاثرات استعمال کرکے کمرے کی مجموعی اثرانگیزی کو بڑھا سکتے ہیں۔
ایک آزمودہ اور بھروسہ مند طریقہ بہت ساری تصویروں کو فریم کروا کےاور اکھٹا لگا کر تصویری گیلری بنانا ہے۔
ایک ہی طرح کی اشیاء کو اکھٹا کرکے رکھنا بہت تاثرانگیز ہے۔ اس تصویر میں مختلف ناپوں کے شیشے کے گلدان کمرے کی سجاوٹ میں ایک باوقاراضافہ کر رہے ہیں۔
کسی بھی سجاوٹ میں قدرتی طریقوں اوراشیاء کا استعمال اُس ماحول کی اثر انگیزی کو بڑھا دیتا ہے۔
اِس تجویزپر ذرا دھیان سے عمل کریں۔ مختلف نمونےایک دوسرے سے علیحدہ بھی ہونے چاہئے اورآنکھوں کو بھلے بھی محسوس ہونے چاہئے۔ انکا درست استعمال آپکے گھر کی سجاوٹ کو کئی گنا دلچسپ بنادے گا۔
اگرآپ کے پاس فن پارےکافی تعداد میںموجود ہیں توان کو دیواروں پر بغیر کسی خاص ترتیب سےلگادیں۔ اِن کی زیادہ دیکھ بھال بھی نہیں کرنی پڑتی اورسجاوٹ کا یہ انداز پرسکون اور کوئی خاص کوشش کئے بغیر ترتیب شدہ لگتا ہے۔ اسکے علاوہ یہ آپ کی محنت سے جمع کئے فن پارے دکھانے کا اچھا انداز ہے۔
فرنیچر کی غیرمعین ترتیب کمرے میں کھلے پن اورگہرائی کا فریبِ نظر پیدا کرتی ہے۔
ایک جدید گھر میں قدیم زمانے کا فرنیچر ایک دلچسپ عنصر کا اضافہ کرتا ہے۔ سجاوٹ کے اس انداز کو اس غسلخانےمیں اُجاگر کیا گیا ہے۔
پرانےاور خستہ حال فرنیچرکوبھی نئی زندگی مل سکتی ہے۔ مثلاًکسی بھی کرسی پرکوئی انوکھے سے ڈیزائن کا نیا کپڑا چڑھا کراسے کسی بھی کمرے میں رکھنے سےاُس کمرے کو نئی جہت مِل سکتی ہے۔
رہنے سہنے کے کمرے سے لیکرخوابگاہ تک ، کسی بھی کمرے میں صفائی سے چُنی ہوئی کتابیں بہت بھلی معلوم ہوتی ہیں۔ آپ ان کے اُوپر کوئی دلکش آرائشی اشیاء بھی رکھ سکتے ہیں۔ اِس سے مجموعی دلکشی اورفعالیت میں اضافہ ہوتا ہے۔
موم بتیاں خود اپنے طورپرکسی بھی ماحول کی اثرانگیزی میں اضافہ کرتی ہیِں۔ تاہم اگر انکو اکھٹا کر کے رکھ دیا جائے تو اس سے ایک شاندار نظری تاثرقائم ہوتا ہے۔
اپنی فہرست کا اختتام ہم اپنے پرانی پسندیدہ تجویزسے کریں گے ۔ یعنی کسی بھی کمرے میں نظری قوت کو بڑھائیے جو کہ ہلکےرنگوں کا استعمال کر کے، قدرتی روشنی کوزیادہ سے زیادہ آنے دینے سے اورقد آور شیشوں کا استعمال کر کے آسانی سے حاصل کی جاسکتی ہے۔
اب جبکہ گھرکی سجاوٹ کا مسئلہ حل ہو گیا ہے کیوں نہ گھر کے لئے کچھ عملی تجاویز پر نظرڈال لیں خاص طور پرجب گھرچھوٹا ہو
